top of page
  • Writer's pictureL wain

القراءة

يختلف الناس كيف يشوفون النجاح لكن لو جينا نحدد النجاح على الثراء وشفنا لستة تتكلم عن الاغنياء في العالم بتلاقي اشياء كثير مشتركة: محافظين على العادات صحية.. يخاطرون اكثر ومايلعبون على المضمون فقط.. عندهم الشغف والمثابرة.. وقارئين


قارئين؟ ايييوة!


وارين بافيت يعتبر خامس اغنى رجل في العالم يقضي ٦ ساعات من يومه يقرأ، وبيل قيتس رابع اغنى رجال العالم ينسب كثير من نجاحاته الى القراءة، جيفري بيزوس وايلون ماسك اغنى رجلين في العالم… اتوقع عارفين ايش التكملة.. برضو احد اسباب نجاحهم القراءة.


طيب خلينا نجي نتكلم على نطاقنا ونحط النقاط على الحروف:


كثير مننا ما اتعود يقرأ من صغره، وممكن يحس انو هو ما يحب يقرأ.. وبرضوا ممكن البعض يقول الحياة هيا احسن مدرسة وما احتاج اقعد اقرأ كلام منمق ولا يمت للواقع بصلة. وبعضنا يقول انا ما عندي مشكلة مع القراءة بس ابدًا وقتي ما يسمح اني اقرأ.


نحلها وحدة وحدة؟


١- كثير عادات ما اتعودنا عليها من صغرنا لكن حبة حبة نقدر ندخل القراءة في حياتنا اليومية.. ممكن اول ما تصحى من النوم تقرأ صفحة او صفحتين وبعدها تحاول تزيد مدة القراءة

٢-صحيح ممكن انك ما تحب القراءة لكن فكر تتعامل مع الكتب زي ما تتعامل مع المسلسلات.. بعضنا يحب المسلسلات الاكشن وبعضنا لا.. الكتب نفس الشي ممكن انت تحب تقرأ نوع من الكتب او اسلوب معين من الكتابة.. جرب وحاول واذا وصلت لنص الكتاب وما قدرت تكلمه عادي روح للكتاب الي بعده الى ما تلاقي الكتب الي تحبها

٣-الحياة اهم مدرسة ممكن نتعلم منها، لكن تخيل انك تتعلم من حياتك وحياة الكتّاب وخلاصة تجاربهم وابحاثهم، راح تكون كمية المعلومات كبييرة عندك

٤- اذا ما عندك وقت تقعد وتقرأ تقدر تسمع للكتب الصوتية، وانت في السيارة.. وانت بتاكل.. وانت بتسوي رياضة.


صحيح ممكن تكون شخص مايحب يقرأ، لكن حاول وجرب ولا تبعد نفسك عن كمية هائلة من العلم والثقافة الي ممكن توسع مداركك وخيالك وتوصلك اسرع لطموحك واهدافك!

19 views0 comments

Recent Posts

See All

Comments

Rated 0 out of 5 stars.
No ratings yet

Add a rating
bottom of page