top of page
  • Writer's pictureL wain

وهم المثالية

كثير مننا يحاول يوصل للمثالية عشان يحس بالانجاز وحب الناس، ويعتقد بأن اذا كان شكله مثالي، شغله مثالي، وكل شي يسويه يكون مثالي راح يتفادى الشعور بالإحراج والعار والحكم من الآخرين، والمشكلة الكبيرة في المثالية انها تعدم الفضول فينا، تخلينا ما نشوف اخطائنا وفرص التعلم، ترسخ في عقولنا اننا لازم نكون نعرف كل شي او راح نتفشل.


الشخص الي ما ينتبه للمثالية والكمالية راح يتبنى مبدأ جدًا خطير: قيمتي هيا فيما أنجزه وقد ايش أنجزه بطريقة جيدة، وكل هذا يركز على اشياء خارجية، كيف الناس يشوفوني؟ وزي ما الكل عارف رضا الناس غاية لا تدرك، فكيف نقدر نطور من نفسنا اذا دافعنا الأساسي راح يكون الناس ونظرتهم لنا؟


المثالية مرض خطير، طرق التخلص منه كثيرة ومتأكدين انو الشخص الي يتخلص منها راح يعيش حياة مختلفة تمامًا عن الي يخلي المثالية تتحكم فيه، كل الي عليك انك تسأل نفسك هل انا اعاني من المثالية، اذا الجواب كان ايوة، فانت بدأت في حل المشكلة، لأن التعرف على المشكلة الي عندك هو اول خطوة لحلها.


وتذكر دايمًا انك عادي تكون عادي، لأن المثالية وهم وأحلى شي انك تكون عادي بطريقتك وهذا الشي الي يميزك.


-المرجع: At‪las of the heart

34 views0 comments

Recent Posts

See All

Comments

Rated 0 out of 5 stars.
No ratings yet

Add a rating
bottom of page